Football (National) - Yohan Bocognano deux ans à Istres
(A redazzioni d'Alta Frequenza) - Dipoi arisera (vennari), u GFC Aiacciu hà lacatu a Lega 2, dopu à a so disfatta in Caen (2-1). Sapemi chì i Diavuli rossi travaghjani dighjà nant'à a staghjoni chì veni. L'affari s'annunzia difficiuli, postu chì ci voli à rinnuvà à u minumu 80% di l'effettivu. U primu settori toccu, a difesa, postu chì u situ ufficiali di u GFCA hà cunfirmatu chì Yohan Bocognano si ni và in Istres. U ghjovanu difensori aiaccinu firmarà un cuntrattu di dui anni, ind'u club intrenatu da José Pasqualetti. Sarà u so quattriesimu club, dopu à l'AC Aiacciu, Nîmes è u Gazélec.
