Football (National) - Le GFCO Ajaccio en déplacement chez la lanterne rouge Bayonne
(A redazzioni d'Alta Frequenza) - Pà a vintesima ghjurnata di Naziunali, u GFCO Aiacciu si spiazza stasera (sabbatu) in Paesi Bascu, da ghjucà contr'à l'ultimu, Bayonne. Dopu ad avè criatu a suspresa a dumenicata scorsa in Cuppa di Francia, eliminendu à Toulouse, furmazioni di Lega 1, i "Diavuli Rossi" volini cuntinuà a so seria scema di deci successi à a fila, qualsiasi a cumpetizioni. Iss'ultimi sarani upposti à una squadra Basca chì scontra parechji guai in campiunatu, cù 13 unità soli di buscati. Da u cantu di u gruppu, pocu cambiamenti duvariani essa rializati da l'allenatori corsu, Dumenicu Veilex, di pettu à l'ultimu scontru. S'elli riesciani à buscà si i trè punti stasera, l'Aiaccini cullarani nant'à u podium, postu ch'elli sò chè à trè unità di u terzu, Epinal, ma chì hà ghjucatu una partita in minimu. Bayonne-GFCOA da principià à 7 ori di sera, à u stadiu Didier Deschamps.
Sur le même sujet
