Football (National) - Le FC Bastia-Borgo, promu mais serein, se déplace à Créteil
Photo : FC Bastia-Borgo
Vennari, è sempri à ott’ori, u FC Bastia-Borgu, chì ritrova u campiunatu di Naziunali dui staghjoni dopu à a falata di u difuntu CA Bastia, si ni movi à u riscontru di l’US Créteil Lusitanos, una squadra chì hà supr’à tuttu avvintu trà Naziunali è Liga 2 iss’ultimi vint’anni.
Issa cuddata in Naziunali si hè passata cù una certa sirinità, pà a squadra d’Antoine Emmanuelli è José Orsini. Ancu puri issendu ghjunti ghjucadori da rinfurzà la, in maior’parti l’effettivu ferma u stessu. A squadra si teni ancu l’attaccanti brittonu Gwenn Foulon, impristatu sempri da Valenciennes, ma chì mancarà quantunca issu primu scontru parvia d’un picculu pinseri fisicu.
Cusì dunqua, i ghjucadori erani in gran’parti prisenti pà u staziu di priparazioni, una sittimana fà in Châteauroux.
L’ughjittivu, ben’intesa, hè u mantinimentu, è si circarà à assicurà lu senza strazià troppu.
Steti à senta à Jean-André Ottaviani, l’addistradori llu FCBB.
