Football (National) - Le CA Bastia se déplace à Cherbourg
(A redazzioni d'Alta Frequenza) - Stasera (vennari) à 8 ori, u CA Bastia si spiazzarà nant’à u tarrenu di Cherbourg ind’u quadru di a quatordicesima ghjurnata di Naziunali. I bastiacci, ottesimi, vani ind’una squadra di Cherbourg dicesima cù un puntu di ritardu, ma chì hà arrighjistratu dui vittori à a fila, frà altru cù un bellu 4-0 nant’à u tarrenu di u Parighji FC vennari scorsu. Pà ciò chì tocca à i cabisti, escini da una vittoria ricca d’insignamenti contr’à Orléans, duva quissi quì ani imparatu chì a cuncentrazioni ad ogni stonda hè quant’è impurtanti cà u bellu ghjocu ch’elli sani rializà. Quissi quì sani dinò chì una vittoria, chì sarà quantunqua difficiuli à buscà, li parmittaria d’avvicinà si di i trè primi squadri di un campiunatu assai assai apartu, duva u CAB t’hà i mezi di mischjà si à a corsa à a cullata.
