Football (National) - Le CA Bastia reprend à Orléans
(A redazzioni d'Alta Frequenza) - C'hè ssu vennari a prima ghjurnata di Naziunali, chì vidarà u CA Bastia andà in Orléans, chì ghjucava a staghjoni scorsa in Liga 2. U CAB, salvatu di manera amministrativa dopu essa falatu in CFA annant'à u tarrenu, hà cambiatu tuttu o guasgi pà ssa staghjoni nova. Quattru ghjucadori di a staghjoni scorsa solu ani dicisu di lanciassi in ssa sfida nova, chì sarà quilla di stallà i Bastiacci in Naziunali à longu andà. Staghjoni di u rinnovu annant'à u bancu dinò, postu chì pà a prima volta dipoi a rinascita di u club in u 2003, Stéphane Rossi, divintatu manager generali, laca u so postu d'intrenori à Christian Bracconi. Hè ghjunta l'ora di l'atti, da fà chì Antoine Emmanuelli, u presidenti di u CAB, pudissi essa cuntentu di i so omi annant'à u tarrenu, ciò chì ùn hè micca statu pà daveru u casu dipoi dui staghjoni.
Sur le même sujet
