Football (National) - Le CA Bastia reçoit Epinal à Porto-Vecchio
(A redazzioni d'Alta Frequenza) - A staghjoni micca banali di u CA Bastia cuntinueghja, postu chì pà a seiesima ghjurnata di Naziunali, i cabisti ani da riceva in Epinal in u stadiu Claude Papi di Purtivechju, chì sarà a so casa fin chì a Cumunità d'Agglumerazioni di Bastia avissu rinnuvatu u stadiu d'Erbaghjolu. Custretti à l'esiliu, i ghjucadori di Christian Bracconi sò ubligati à riagiscia è à lancià pà daveru a so staghjoni contr'à visitori chì sò sedicesimi cù quattru punti è dunqua davanti à u CAB chì hè ultimu di Naziunali cù dui punti. È pà vincia, ci vularà à scriva rialisazioni, un affari chì u CAB ùn hà mai fattu fin'è oghji, postu ch'ella hè a sola squadra muta dipoi i cinqui primi ghjurnati di campiunatu. Ma a missioni mantenimentu dumanda di ritruvà in furia a strada di i gabbii di l'avversarii.
