Football (National) - Le CA Bastia reçoit Carquefou
(A redazzioni d'Alta Frequenza) - In Naziunali, ind'u quadru di a seiesima ghjurnata, u CA Bastia ricevi stasera (sabbatu) à 8 ori un altru club chì colla da u CFA, Carquefou. I cabisti, dopu à una disfatta 3-0 in Amiens, avendu tinutu duranti un'ora à deci contr'à ondici, vularani riparta bè nant'à u so tarrenu contr'à una squadra chì hà persu i so dui primi scontri fora è chì ùn hà ancu cunnisciutu a vittoria issa staghjoni. Un successu parmittaria à i ghjucadori di Stéphane Rossi di escia da a zona di rilegazioni, Stéphane Rossi chì ùn pudarà micca cuntà nant'à u so attaccanti Romain Pastorelli, suspesu trè partiti dopu à a so carta rossa di l'ultima ghjurnata.
Sur le même sujet
