Football (National) - Incidents Beauvais-GFCO Ajaccio : le gazélec lourdement sanctionné
(Julien Pernici è Michaël Andreani - Alta Frequenza) - In ghjocu à ballò, l'ambiu trà i squadri corsi è l'istanzi naziunali hè più cà cumplicatu. In fatti, dopu à i sanzioni presi arimani contr'à u Sporting, chì hà dicisu di fà appellu, hè u GFCOA chì hè statu cundannatu issu vennari, da a Federazioni Francesi di Ballò. Dopu à una baruffa appiendu uppostu dopu à a partita i ghjucadori aiaccini à calchì sustenidori di Beauvais in cuntinenti, a federazioni hà dicisu di caccià quattru punti à u gazélec, grà i quali dui di modu attimpatu. Un'amenda dinò hè stata ricivuta. Pà contu soiu, Olivier Miniconi, membri di a squadra dirighjenti, hà avutu sei mesi di suspensioni. U GFCO Aiacciu hè oramai diciottesimu, cù setti punti à a classifica.
