Football (mercato) - Gaëtan Courtet vers l’AC Ajaccio
(A ridazzioni d'Alta Frequenza) - L’AC Aiacciu hà da ingagià da quì à pocu à Gaëtan Courtet, l’attaccanti di u FC Lorient. A infurmazioni, l’hà data Olivier Pantaloni à i ghjurnalisti di MaLigue2.
Hè una signatura di qualità pà a squadra, chì devi rimpiazzà à Ghislain Gimbert in cori di a so attacca. U ghjucadori di 30 anni t’hà una bedda spirienza, chì hà ghjucatu cù Reims, Brest, Auxerre è Lorient. Gaëtan Courtet hà fattu 280 partiti da prufiziunali. Hà marcatu 68 volti in a so carriera, è 11 volti in Liga 1.
À senta certi infurmazioni, Jérôme Hergault pudaria fà a strada cuntraria, da Aiacciu à Lorient.
Sur le même sujet
