Football (Ligue 2) - Soirée de liesse à Furiani
Football (Ligue 1) - Soirée de liesse à Furiani hier soir
(A redazzioni d'Alta Frequenza) - L'ani fatta ! Arisera (luni), u Sporting Club di Bastia hà guandantu 2-1 contr'à Châteauroux pà a 33a ghjurnata di Lega 2, è t'hà dunqua oramai, à 99,99%, u so bighjettu pà u paradisu di a Lega 1. Erani 15 000 sustenidori com'è lioni daretu à a so squadra arisera, com'è dipoi u principiu di issa vera epupea, chì sò pussuti schjattà è lascià andà, un annu è un ghjornu dopu à a ricullata in Lega 2, lacrimi di gioia. U Sporting, guasgi à u sprufondu di lugliu di u 2010 dopu à a so falata amministrativa in CFA, hà riisciutu una sfida tamanta, com'è pochi squadri sò riisciuti à riliazà : riparta da zeru in Naziunali da ricullà dui anni dopu in Lega 1. Una divisioni chì u Sporting ùn avia più fraquintatu dipoi setti anni, setti anni di suffrenza pà a squadra è i so sustenidori, ma si pò dì chì, dipoi arisera, issa paghjina fosca di a storia di a squadra hè ghjirata di modu difinitivu. È com'è un'uchjata à u distinu, hè fatta à calchì ghjornu di i vinti anni di a catastrofa di Furiani.
On écoute Frédéric Hantz, un homme heureux.
