Football (Ligue 2) - Revers pour le SC Bastia à Laval (0-1)
(A redazzioni d'Alta Frequenza) - In Lega 2, piantata pà u Sporting, chì hà persu arisera (sabbatu) in Laval 1-0 ; i bastiacci firmavani nant'à cinqui scontri senza disfatta. Eppuru, i ghjucadori di Federicu Hantz ùn meritani micca issa sorti quì, duminendu tutalmenti i lucali ind'u primu periudu. Parechji uccasioni chì ùn sò micca stati finalizati. Dopu à a pausa, a partita hè divintata più equilibriata trà i dui furmazioni, i ghjucadori di Laval dendu si di rimenu, cù una voghja più impurtanti. È senza essa duminatu malgradu què, u Sporting era cunfruntatu à un avversariu più forti cà duranti u primu tempu. U numaru d'uccasioni pà Bastia calava assai, ma u risultatu à paru paria à volta miritatu è largamenti pussibuli pà i ghjucadori di Federicu Hantz. Ma Julien Viale, à l'85ima minuta, battia à u purtieri turchinu, Magno Novaes. Una reta fora di ghjocu, ma accurdata malgradu tuttu da l'arbitri. Vultendu u saccu biotu da Mayenne, u Sporting hè oramai à cinqui punti di i dui primi, è pudaria perda u so terzu postu, in casu di vittoria di Sedan in Lens, luni chì veni.
Ecoutez l'entraîneur bastiais, Frédéric Hantz, à l'issue de cette rencontre, au micro de la chaîne CFOOT
Sur le même sujet
