Football (Ligue 2) - Oumar Gonzalez (ACA) recruté par le club saoudien d'Al-Raed
L’AC Aiacciu hà dittu ch’iddu si n’avia da andà Oumar Gonzalez, u so ghjucadori di difesa cintrali.
Erani parichji i squadri à vulè lu, com’è Metz o ancu una squadra turca.
Fatta fini, Oumar Gonzalez si hè ingagiatu cù a squadra saudiana Al Raed.
Si sapia ch’idda c’era issa pussibilità di a partenza di u camerunesu di 25 anni : era, cù Vincent Marchetti, u ghjucadori aiaccinu chì valia u più.
Oumar Gonzalez hà fattu 66 scontri cù a maglietta aiaccina, è hà marcatu trè volti.
Hà cuntribuitu à a cuddata in prima divisioni di a staghjoni 2021-22, ed hè statu titularu pà tutta a staghjoni di a squadra à issu liveddu.
L’AC Aiacciu ùn l’hà ditta quant’iddu l’avia purtatu issu trasfirimentu. Ma devi avè fattu un beddu affari à liveddu suldarinu, postu chì i mezi di i squadri saudiani sò guasgi senza limiti.
Oumar Gonzalez duvaria essa rimpiazzatu. Calchì ghjornu fà, u ghjurnali « l’Equipe » avia dittu chì a squadra era in cuntattu cù Ismal Aaneba, u ghjucadori di Sochaux.
Avarà da essa cunfimata issa infurmazioni ? Chì camparà ghjudicarà...
Sur le même sujet
