Football (Ligue 2) - Nicolas Fauvergue arrive à l'AC Ajaccio
(A redazzioni d'Alta Frequenza) - Dopu à Cédric Kanté (Sochaux), l'AC Aiacciu hà ufficializatu oghji (sabbatu) a ghjunta di u so sicondu ghjucadori novu. Hè senza surpresa Nicolas Fauvergue, un attaccanti di 29 anni cù una bella carriera, cù più di 250 partiti prufiziunali, cù a mità in Liga 1, è 14 in cuppa d'Auropa, pà 55 rialisazioni. Dopu avè purtatu i culori di clubs com'è Lille, Strasbourg, Sedan è Reims, hè statu impristatu in Metz a staghjoni scorsa, duva ellu era un titulariu di prima trinca (28 scontri, 5 rialisazioni) ind'a squadra divintata campioni di Francia di Liga 2. Hè cù Lille è contr'à l'ACA, in u 2003 ch'ellu hà ghjucatu a so prima partita in prufiziunali. Una siconda ghjunta bunissima pà l'ACA chì ùn hà mai piattatu a so ambizioni di ritruvà a prima divisioni à mezu andà. Nicolas Fauvergue s'hà da ingaghjà luni pà dui staghjoni, eppo una in più s'è u club colla in Liga 1.
