Football (Ligue 2) - Le SC Bastia se prend les pieds dans le tapis face à Caen (1-2)
Pà a 21esima ghjurnata di u campiunatu di siconda divisioni, u SC Bastia si hà da pudè penta d’avè persu dui à unu in casa contru à Caen !
Masimu chì a prima meza ora di ghjocu hè stata ammaistrata bè da i bastiacci, Santelli mittindu un calciu di riparu, dopu ch’iddi achini toccu dui volti di mani u ballonu in l’arghja, i ghjucadori di Caen. Ma u Sporting hà tandu mancatu, in dui volti, a pussibilità di fà crescia u scartu.
Passatu u posu, i Turchini si sò lacati addrumintà è ani incasciatu, dopu à un calciu d’angulu, un marcu di Mbock. Ùn sapendu ripiddà a suprana, l’omini di Régis Brouard ani cuncessu un calciu di riparu via Tomo, ch’iddu marcheti Mendy.
U Sporting hè oramai quindicesimu, è ùn hà chè quattru punti di scartu cù i fundala lla classifica.
