Football (Ligue 2) - Le SC Bastia sanctionné d'un point de retrait suite aux incidents de SC Bastia - QRM
Marcuri, a cumissioni di disciplina di a LFP l’hà minatu un beddu colpu, à u Sporting.
Di fatti, sò stati presi in contu l’incidenti successi di dicembri, mentri u scontru contru à QRM.
Unu di l’arbitri assistanti, d’urigina magribina, hà dittu in u so raportu ch’iddu s’era pescu insulti razzisti da sustinitori di a tribuna Sud. L’arbitru principali avia arristatu u scontru à tempu signalati issi fatti.
In più di quissa, hè statu fattu u custatu ch’iddi erani stati ghjittati ugetti è ardigni pirotecnichi.
L’hè statu dunqua ritiratu un puntu à u Sporting, parvia di iss’incidenti.
Ma ùn hà dittu, a LFP, s’iddu si tratta chivi di a rivucazioni d’una cundanna attimpata dopu à l’andamenti di certi sustinitori, valutati da razzisti, successi di nuvembri mentri u dispiazzamentu par ghjucà contru à u parigi FC.
