Football (Ligue 2) - Le SC Bastia saisit le CNOSF suite au retrait d'un point par la commission de discipline de la LFP
Dopu à u ritiru d’un puntu parvia di l’incidenti successi u 16 dicembri, mentri u scontru contru à QRM, u SC Bastia hà dicisu di difenda si : a squadra n’hà da chjamà à u CNOSF.
À senta la, « dopu ad avè participatu cumplittamenti à a struzzioni, è trasmissu tutti l’elementi ch’idda t’avia, a squadra si hà pescu finalmenti un puntu di ritiru à a classifica spurtiva. À tempu ricivuta a mutivazioni d’issa dicisioni, a squadra hà da chera à u CNOSF una cunciliazioni da fà valè i so dritti ».
Issa sintenza hè cascata chì, in u so raportu, unu di l’arbitri assistanti, magribinu d’urigina, hà dittu ch’iddu era statu trattatu mentri u scontru « d’arabacciu » da un sustinitori di a tribuna Sud.
