Football (Ligue 2) - Le SC Bastia s'incline encore une fois hors de ses bases à Caen (1-0)
U SC Bastia chì perdi fora, è chì ridà fiatu à una squadra à a malavia, quissa par disgrazia si hè aghjà intesa parichji volti issa staghjoni : l’omini di Régis Brouard, issa volta, ani persu 1 à 0 in Caen.
Eppuri a intinzioni c’era, ma erani troppi i dibulezzi bastiacci par spirà una vittoria.
I dui attaccanti, Alfarela è Djoco, ùn ani missu mancu un marcu dipoi l’iniziu di a staghjoni.
Vincent avaria pussutu marcà, dui volti, è un calciu di riparu avaria pussutu essa cuncessu à Bianchini, ma l’arbitru di a partita ùn hè statu quentu… par nimu !
Passati 88 minuti, i bastiacci, chì sinu à tandu ùn aviani fattu chè un cambiamentu, ani presu un marcu di Mendy, sirvutu bè da Abdi.
Cù issa disfatta, u Sporting hè à i porti lla parti piriculosa lla classifica, cù un puntu solu d’avanzu à nantu à Troyes, u primu à falà. Marti, andendu à ghjucà contru à Dunkerque, u parultimu, li ci vurrà, à u SCB, à risolva issu mali prufundu chì l’impidisci di vincia fora.
Sur le même sujet
