Football (Ligue 2) - Le SC Bastia s'incline avec les honneurs à Metz et finit quatrième (3-2)
Pà l’ultima ghjurnata llu campiunatu di siconda divisioni, u SC Bastia hà persu 3 à 2 contru à Metz, chì d’altrondi ricodda in prima divisioni.
A prima parti llu scontru hè stata bedda dilicata, è tocca a meza ora di ghjocu, Bastia hà incasciatu un marcu di Sabaly.
Dopu à u posu, Maziz mittia u sicondu marcu di i lucali, passati 54 minuti.
Luttendu si la quantunca, i bastiacci marcaiani à a 67esima minuta, via una capata di Bohnert.
Maziz rimittia dui marchi di scartu pà Metz dopu à 74 minuti di ghjocu.
Infini, à a 84esima minuta di ghjocu, Schur rimittia in a cabbia di i lucali una biscica trasmissa da Felix Tomi.
Uni pochi di ghjucadori, trà i quali Salles-Lamonge, ani fattu u so addiu à u Sporting.
Issa disfatta ùn n’hà cunsiquenzi par Bastia, chì finisci a so staghjoni à a quarta piazza.
