Football (Ligue 2) - Le SC Bastia réagit après avoir été convoqué pour de supposés propos racistes envers le corps arbitral contre QRM
Hà da firmà à menti, u scontru di sabbatu trà Bastia è QRM : u corpu arbitrali – chì u so pessimu travaddu si hè vistu bè ! - hà fattu raportu di parolli razzisti chì l’avariani toccu, ditti da sustinidori di a tribuna sud ; chivi davanti, l’arbitru assistanti era d’urigina magribina.
U SC Bastia, cunvucatu sta sera davanti à a cumissioni di disciplina, hà riagitu via un cumunicatu :
« U razzismu è a zenuffubia ùn ani a so piazza in Furiani, è sò sughjetti serii. Circà u neci d’issu mutivu par piattà un travaddu arbitrali chì ugnunu l’hà pussutu ghjudicà, chì ugni ussirvatori hà pussutu custatà, ùn hè affari degnu.
Ùn dumandemu chè una cosa : essa arbitrati è ghjudicati com’è l’altri. Spera a squadra chì i diversi auturità sullicitati mittarani à u chjaru issi fatti stunanti ».
U Sporting risichighja una sanzioni greva, chì avia aghjà u ritiru attimpatu d’un puntu, parvia d’andamenti supposti razzisti di i so sustinidori, mentri u dispiazzamentu à u parigi FC.
