Football (Ligue 2) - Le SC Bastia fait un écart après sa victoire devant Le Havre (1-0)
(A redazzioni d’Alta Frequenza) - In Lega 2, u Sporting Club di Bastia hà vintu u so scontru contr’à Le Havre, ind’una partita à u ritimu scemu. I bastiaicci, in forma, ani principiatu issu scontru in furia in furia, lachendu cà pochi spazii à i visitori, rinchjusi ind’u so campu. Malgradu tuttu, manchendu di pricisioni è calchì volta di rabbia, u Sporting ùn ci la facia micca à scriva una reta. Dopu à a pausa, i bastiacci duminavani sempri, ma l’avresi s’erani ripresi, appiendu ancu calchì uccasioni. È calchì minutu dopu à chì l’arbitru appiissi sminticatu un penalty pà una manu avresi ind’i sei metri, Rothen si facia u salvatori di u Sporting à l’81a minuta nant’à una magnifica penalità da luntanu. Un successu chì casca bè, postu chì aghjustatu à i gattivi risultati di i so cuncurrenti, parmetti à Bastia di divintà sicondu, cù un puntu di ritardu nant’à u leader è cinqui in più di pettu à u quatriesimu.
On écoute Frédéric Hantz, le coach bastiais.
