Football (Ligue 2) - Le SC Bastia déjà à la croisée des chemins face à Laval
"Fate onore", "Vince o more" : sò beddi chjari i banderi lacati à l’IGESA à intinzioni di i ghjucadori di u SC Bastia, innanzi à u scontru di sta sera à ottu ori contru à Laval, pà l’undicesima ghjurnata di u campiunatu di siconda divisioni.
Issu scontru, dighjà, hè capitali pà u seguitu lla staghjoni d’una squadra bastiaccia sempri in mancu di vittoria è ultima llu campiunatu, è chì sta sera si hà da pittughjà à u parultimu lla classifica, chì com’è idda hè à a malavia.
Senza una vittoria, hà da essa beddu dilicatu u travaddu di i ghjucadori bastiacci, incapaci dipoi l’entra lla staghjoni di tena si mubilizati pà unu scontru intrevu.
Issa dibulezza mintali chì ùn li lenta par avali, li ci hà da vulè à supranà la, à i bastiacci, da renda onori è fiertà à a mubilisazioni d’un publicu chì ùn ni pardona rinuncia.
In lu gruppu, Benoît Tavenot, chì hà da duvè fà senza Boutrah par dui mesa, hà fattu uni pochi di scelti di quiddi, scantendu à Blé è Janneh par fà ghjucà à Karamoko è Etoga. Sebas, par contu soiu, ùn hè più suspesu.
Steti à senta à Benoît Tavenot, l’addistradori bastiacciu.
