Football (Ligue 2) - Le SC Bastia baisse pavillon à Troyes et se retrouve au bord du gouffre (2-0)
Pà u contu lla 28esima ghjurnata llu campiunatu, u SC Bastia hà persu dui à zeru contru à Troyes, una squadra cuncurrenti pà u mantinimentu in siconda divisioni.
Passati uni pochi di minuti, Elisor ripiddaia un ballonu persu à mezu tarrenu, ingannaia à Dramé è sciaccaia a biscica in a cabbia di Placide.
Dopu à issu marcu, ùn sò mai stati capaci i bastiacci à impinsirì à veru a difesa di Troyes, è d’altrondi Charbonnier è Siby pariani persi in tuttu in issa partita.
Passata una meza ora di ghjocu, parvia di un pedi tinutu altu, Ducrocq era sclusu, è si lacaia i bastiacci in deci.
Dopu à u posu, a partita fù un veru viacruci pà i Turchini, chì ùn a li faciani à ridà si fiatu, malgradu i cambiamenti fatti à l’ora di ghjocu.
Passati 89 minuti, Ilic mittia u sicondu marcu di Troyes.
Oramai, Troyes è Dunkerque sò davanti à Bastia à a classifica, chì si ni stà à a 16esima piazza, cù punti quant’è Concarneau, a prima squadra à falà.
