Football (Ligue 2) - Le président de l'AC Ajaccio fait le point après la décision de la DNCG
(A ridazzioni d'Alta Frequenza) - Leon Luciani, u prisidenti di l’AC Aiacciu, hà datu una cunfarenza di stampa, dopu à a dicisioni di a DNCG chì à missu, di manera cunsirvatoria, a squadra in a divisioni suttana tocca a fini di a staghjoni. À senta à Leon Luciani, u ciandarmu finanziariu faci rimprovaru à a squadra d’ùn avè fattu tutti i ricetti privisti, è li dà sinu à maghju da rializà li. I rimprovari portani à nantu à un imprestu in banca ch’ùn era ancu à fà si à u mumentu llu passaghju davanti à a DNCG,à nantu à l’indannità di trasfirimentu privisti da a squadra, ma dinò à nantu à un mancu, ad avali, di soldi ch’iddi duviani purtà novi azziunarii. Leon Luciani hà dittu dinò chì issa situazioni vinia dinò, in parti, da suvvinzioni vutati da a Cullittività di Corsica ma ch’ùn sò ancu stati dati. Dici u prisidenti di l’AC Aiacciu chì, da quì à a fini di frivaghju, duvariani essa risolti issi pinsera, cù a ghjunta in lu capitali lla squadra d’azziunarii, corsi o micca. Supr’à tuttu, dici u prisidenti chì risichi ùn ci n’hè, pà l’AC Aiacciu, di pata una sorti simuli à quidda llu SC Bastia
Stemu à senta à Leon Luciani
Sur le même sujet
