Football (Ligue 2) - Le déplacement des supporters de l'AC Ajaccio à Bastia interdit pour le derby de ce samedi
Sabbatu, pà a dicesima ghjurnata llu campiunatu di siconda divisioni, i sustinitori di l’AC Aiacciu ùn pudarani cuddà a difenda a so squadra in Furiani, contru à u SC Bastia.
Cusì hè stata dicisa luni, dopu à una riunioni in prifittura. Issa intirdizzioni, veni à rinfurzà la un arrestu llu ministeru di l’internu.
Ben’intesa, a prifittura ghjustifichighja issa dicisioni cù u passatu trà i dui squadri, è cù a dispusizioni di i loca.
Pà i riprisintenti llu statu, ancu puri ch’idd’ùn si sichini scontri dipoi parichji anni i dui squadri, saria sempri forti a numicizia.
A prifittura avaria infurmazioni d’un risicu di viulenzi à l’affaccà di u scontru.
Dici a prifittura chì sabbatu u 25 di sittembri à 3 ori, ora di u scontru, ci pudariani essa altri manifistazioni in a zona cumirciali ind’iddu hè u stadiu.
Tandu, a priurità di l’auturità hè di fà chì u scontru si passi pà u meddu, pà i ghjucadori è pà u publicu, unicamenti bastiacciu dunqua, pà iss’uccasioni !
Hè vera chì in altrù, ancu iss’ultimi tempa, ùn si hè mai passatu nudda !
Steti à senta, quantunca, i spiicazioni di françois ravier.
