Football (Ligue 2) - Le CA Bastia reçoit Troyes
(A redazzioni d'Alta Frequenza) - Pà a 28a ghjurnata di Lega 2, u CA Bastia, ultimu, hà da riceva Troyes, novesimu di a classifica. Una partita duva u CAB, oramai troppu luntanu pà sunnià di u miraculu di u mantenimentu, t'avarà com'è scopu unicu di vincia a so prima partita in casa soia di a staghjoni. Cabisti chì ùn ani più nulla à perda, è chì arrighjistrarani i ritorni di Truchet è di Kanté contr'à una squadra chì vidarà quì una di i so ultimi uppurtunità d'avvicinà si da u podium è di pudè creda à a cullata in fin di staghjoni.
