Football (Ligue 2) - L'ACA trop diminué et impuissant à Caen (3-0)
Photo : AC Aiacciu
L’AC Aiacciu ghjucaia sabbatu in Caen, contru à u capifila lla classifica.
Pà issu scontru, li sò mancati novi ghjucadori, à Olivier Pantaloni. È di quiddi, ancu : Youssouf, Marchetti, o ancu Barreto.
Parvia di quissa, deci ghjucadori di u centru di furmazioni erani di u gruppu pà issu scontru.
À pena attaccata a partita, i Nurmandi piddaiani a suprana tarriturialmenti, senza fà ci la à marcà, chì l’aiaccini difindiani bè. Si sò ancu trovi in pusizioni di marcà, i Russi è Bianchi chì, dopu à 35 minuti, Bammou, piazzatu bè, mittia a biscica à dui metra lla cabbia.
Subitu dopu, Strata si facia passà da Kyeremeh, chì daghjia u ballonu à Mendy pà u primu marcu nurmandu.
Ghjustu innanzi à u posu, Mendy ni mittia un sicondu, sfendu si di a difesa d’Avinel.
Ghjunta a ripresa, cù dui marchi d’avanzu, Caen facia gistioni di a situazioni, lachendu vena l’aiaccini, rinfurzati in attaccu da a intruta di Soumano.
Ma senza tanta difficultà, Mendy mittia un terzu marcu par Caen.
L’ACA volta dunqua d’issu dispiazzamentu cù a so prima disfatta lla staghjoni.
