Football (Ligue 2) - L'ACA se déplace à Amiens mardi soir avec l'espoir de confirmer son regain de forme
Photo : AC Aiacciu
Pà l’uttesima ghjurnata llu campiunatu di siconda divisioni, l’AC Aiacciu si ni movi issu marti à ghjucà contru à Amiens.
Rinvituliti da i trè punti presi contru à parigi, i ghjucadori d’Olivier Pantaloni ani da pruvà à fà un risultatu in Picardia, contru à una squadra chì viaghja bè dipoi l’iniziu di a staghjoni, è chì hè terza lla classifica.
Sabbatu, l’aiaccini ani ritrovu uni pochi di virtù, ma ci ani da vulè cunfidenza è impegnu par ghjucà meddu è circà à tuccà, s’iddu si pò, a prima parti lla classifica.
Pà issu scontru, Olivier Pantaloni hà da pudè cuntà à nantu à u gruppu vitturiosu di sabbatu.
Riad Nouri, malatu, sarà rimpiazzatu da Ivane Chegra.
Steti à senta à Olivier Pantaloni, l’addistradori aiaccinu.
Da buscà si un risultatu in Amiens, l’ACA devi ritruvà sirinità è rigori in difesa.
Rispittà i cunsigni è essa attenti bè, eccu a missioni di a retroguardia bianca è russa.
Steti à senta à Julien Benhaim, u difindidori latirali di l’ACA.