Football (Ligue 2) - L'ACA sanctionné par la LFP après le match contre l'OM
Si ni saria passatu, l’AC Aiacciu, di a nutizia di sta sera : a squadra hà imparatu chì u stadiu François Coty si hà pescu unu scontru fermu di chjuditura.
Issa dicisioni, l’hà presa a cumissioni di disciplina di a LFP, fendu valè issi rimprovari : incidenti innanzi à u scontru, usu d’arnesi pirotecnichi è agrissioni d’un ghjovanu sustinidori.
À leghja li, ùn parini mancu veri, issi rimprovari !
Una chì i sustinidori aiaccini ùn ani aprudatu arnesi pirotecnichi, quidda sera !
L’incidenti trà sustinidori ci sò stati ma fora di u stadiu, à nantu à a via publica.
Par ciò chì tocca à l’agrissioni di u ghjovanu sustinidori, l’affari ùn sò po’ cusì chjari, i raconti issendu diversi.
U prucessu di i ghjovani, d’altrondi, si duvaria fà u 25 d’austu.
Pari ch’idda achi vulsutu rimpiazzà a ghjustizia, a cumissioni di disciplina di a LFP, senza tena contu di a innucenza presunta.
Par avali, riazzioni di a squadra ùn ci n’hè statu.
