Football (Ligue 2) - L'ACA rate le coche ce mardi soir à Caen (2-0)
Photo Paule Santoni AC Aiacciu
Issu luni à sera in Caen, l’AC Aiacciu hà persu pà a quarta volta issa staghjoni, ghjuchendu unu scontru chì era statu attimpatu.
U ghjocu, beddu chjusu in a prima parti llu scontru, si hè lintatu à pena dopu à u posu.
Dopu à un’ora di ghjocu, Gaëtan Courtet hà avutu una bedda uccasioni pà Aiacciu, ma u so tiru hà mancatu di pocu a cabbia nurmanda.
Uni pochi di minuti dopu, i lucala si buscaiani un calciu di riparu, parvia d’un’arrori di Gonzalez contru à l’anzianu aiaccinu Zady. Eppuri l’affari paria successu fora di l’arghja di riparu. In fin’di contu, Mendy hà cunversu in marcu issa sintenza.
L’ACA hà pruvatu à riagì, ma in u tempu in più, una contra attacca di i lucali si hè compia cù un marcu di Deminguet. U scontru, dunqua, si hè finitu à 2 à 0.
Cù issa disfatta, l’ACA hè sicondu lla classifica. Ma sabbatu, ghjuchendu in Timizzolu un’altru sontru attimpatu contru à Auxerre, t’avarà a pussibilità, vincindu, di ripiddà a prima piazza.
Steti a senti à Olivier Pantaloni dopu u scontru