Football (Ligue 2) - L'ACA ramène un très bon point de Laval (1-1)
Photo : AC Aiacciu
Sabbatu, pà a 25esima ghjurnata llu campiunatu di siconda divisioni, hà fattu veda calcosa di bè, l’AC Aiacciu, calcosa di meddu à pettu à i so ultimi isciuti.
In Laval, l’omini d’Olivier Pantaloni sò andati à buscà si u puntu lla partita patta, contru à una di i cinqui primi squadri.
U scontru si hè attaccatu cù un ghjocu paru trà di dui squadri, ma dopu à 32 minuti di ghjocu, Tchokounté ripiddaia di capu un calciu d’angulu è sciaccaia a biscica in a cabbia aiaccina.
L’aiaccini, ancu pruvendu, ùn a li faciani à ingannà i lucali.
Dopu à u posu, si hè midduratu u ghjocu di i bianchi è russi, ma piriculu ùn ni faciani veda.
Infini, passati 61 minuti, Sakhi daghjia u ballonu à Ibayi chì, da l’arghja di riparu di Laval, mittia u so terzu marcu aiaiccinu.
Cù issu marcu pattu di unu à unu, l’aiaccini piddaiani pussessu di a partita, ma nienti più ùn avia da cambià sinu à a fini di u scontru.
Cù issu puntu presu in Laval, l’ACA hè sestu à quattru punti di a terza piazza, chì hè oramai è chjaramenti u so ughjittivu.
