Le Direct

Football (Ligue 2) - L'ACA au Nirvana !

Hè fatta ! L’AC Aiacciu si ni volta in prima divisioni, 20 anni dopu à u titulu di campion’di francia è 11 anni dopu à l’ultima cuddata.

In un stadiu François Coty strapienu, l’aiaccini ani fattu cascà à Tulusa, u campion’di francia.

Dopu à un attaccu timicu lla partita, Gaëtan Courtet, chì filaia solu par marcà, hè statu lampatu in l’arghja di riparu.

Hè Riad Nouri chì si hè incaricatu di marcà u calciu di riparu.

Dopu à u posu, Tulusa hà datu calchì pinseri à l’ACA.

Ma passati dui minuti di tempu in più, era l’ora di a libarazioni pà ghjucadori è sustinitori : finita a partita, 8 000 parsoni sò falati à nantu à u tarrenu par salutà i so eroi.

Steti à senta a riazzioni di François-Joseph Sollacaro.

Sabbatu in Timizzolu, era beddu allegru è beddu fieru, u prisidenti di l’AC Aiacciu.

Christian Leca hè turrattu à parlà di u travaddu è di i sforzi fatti da a dirizzioni, a squadra tecnica, i ghjucadori, è da tutti i soci chì si sò impignati in issa riescita.

Pà u prisidenti aiaccinu, issa vittoria aiaccina hè quidda, dinò, di a Corsica.

Steti à senta à Christian Leca.