Le Direct

Football (Ligue 2) - L'AC Ajaccio chute face à Lens (3-6)

(A redazzioni d'Alta Frequenza) - 6-3 ! Ùn hè micca un risultatu di tennis, ma quillu di a partita in iritardu di a 32esima ghjurnata di Liga 2, chì hà vistu l'AC Aiacciu perda in casa soia contr'à Lens. Pirdendu 2-0 dopu à dui rialisazioni incasciati à a 7esima è à a 25esima minuta, l'Aiaccini ci l'ani fatta à riducia u scartu à a 29esima grazia à Frikèche, prima di vultà à parità cù Sainati quattru minuti dopu. Una gioia bella corta, postu chì i visitori ani ripresu a suprana à a 35esima minuta nant'à un penalty, prima di scriva dui reti novi à a 39esima è à a 45esima. Gakpa hè riisciutu à riducia torna u scartu una minuta dopu, prima chì i Nurdisti allarghessini u so successu vinti minuti nanzi à a fini cù un penalty novu. Dopu à ssu scontru scemu, l'ACA ferma 14esimu cù 39 punti, vali à dì ottu unità di più di pettu à a zona rossa.

Steti à senta à Olivier Pantaloni, l'intrenori aiaccinu.