Football (Ligue 2) - L’AC Ajaccio accroché à domicile par Angers (1-1)
Valentin Jacob, buteur du soir (photo AC Aiacciu)
Sabbatu à sera, à u stadiu François Coty, l’AC Aiacciu è u SCO Angers ani spartutu i punta di u scontru lla sedicesima ghjurnata di u campiunatu di siconda divisioni.
Passata una meza aora di ghjocu, Jacob marcaia pà l’aiaccini, sirvutu bè da Vincent Marchetti.
Ma ghjustu innanzi à u posu, El Melali mittia à Angers, sicondu lla classifica, à marcu pattu.
In a siconda parti llu scontru, l’uccasioni di marcu sò stati pochi, cacciata una di Jabol Folcarelli à l’ora di ghjocu, chì mancò di pocu a cabbia.
Cù issi punti spartuti, si ferma a seria di i vittorii in casa pà Aiacciu, chì hè quantunca sempri invintu in Timizzolu.
Soca ch’idda ci hè chivi a prova ch’iddi a si poni luttà, l’aiaccini, ancu contru à i tarcani llu campiunatu.
Ed hè meddu cussì, chì marti s’affacca in Aiacciu Laval, u capifila lla classifica.
Sur le même sujet
