Football (Ligue 2) - Jonathan Lacourt signe finalement à Châteauroux
(A redazzioni d'Alta Frequenza) - Annunziatu in Bastia, dopu à una prova pusitiva cù u Sporting, hè finalmenti in Châteauroux chì Jonathan Lacourt andarà à spona i so valisgi. U mezu di tarrenu uffensivu, libaru di qualsiasi cuntrattu dipoi a so ferita gravi cù Valenciennes di marzu di u 2009, si rilanciarà dunqua cù a squadra di a Berrichonne, in Lega 2. Rammintemi chì u SC Bastia ùn hè pussutu buscà si u ghjucadori, par via di un'intardizzioni di acquistà novi elementi pà issu marcatu 2012.
