Football (Ligue 2) - Frédéric Hantz rempile au Sporting
(A redazzioni d'Alta Frequenza) - A longa attesa chì tuccava dipoi calchì settimana Bastia s'hè compia, Frédéric Hantz cuntinuarà bè a so missioni in quantu chì allenatori di u Sporting. Dopu à longhi neguziazioni cù a squadra, hà firmatu un novu cuntrattu di dui anni, com'è tuttu u so staff tennicu. L'allenatori bastiacciu hà spiecatu u tempu presu pà issa dicisioni da a so voghja d'avè guaranzii "di quilli" pà a staghjoni chì veni in Lega 1, guaranzii passendu frà altru da i rinnovi di cuntrattu di Khazri, guasgi fattu, è di Novaes, piuttostu bè ingaghjatu. Quissu quì s'hè dinò intarrufatu nant'à a so capacità à fà prugressà a squadra ancu di più pà l'avvena, è dopu à issi fatti sfarenti, Hantz hà presu a so dicisioni. Un travaghju impurtanti l'aspetta oramai, custruiscia l'effettivu chì ghjucarà in Lega 1 a staghjoni chì veni.
Sur le même sujet
