Football (Ligue 2) - Deux nouvelles signatures au SC Bastia
Marcuri in fin’di dopu meziornu, hà da ripiddà ufficialmenti l’addistramentu, pà u SC Bastia.
Intantu, in principiu di sittimana, sò ghjunti dui altri ghjucadori.
U primu, Loïc Etoga, era in fin’di cuntrattu cù Dijon. Mezu tarrenu camerunesu di 21 annu, si hè ingagiatu cù Bastia par dui staghjoni, è una in uzzioni.
Annu, in Naziunali, hà ghjucatu 19 volti, issendu titulari 14 volti.
Avaria intarissatu ancu à qualchì squadra taliana, ma fatta fini hà sceltu di ritruvà à quiddu chì fù u so addistradori in Dijon, Benoît Tavenot.
U sicondu ghjucadori, Mohamed Boumaaoui, hè statu furmatu à u Sporting.
D’età 19 anni, hà ghjucatu cù a riserva turchina annu, è hà ancu fattu i so primi minuti in siconda divisioni contru à Saint Etienne.
Si hè ingagiatu par dui staghjoni è dui altri in uzzioni.
Sur le même sujet
