Football (Ligue 2) - Défaite de l'ACA dans le Derby, la réaction d'Olivier Pantaloni
(A Ridazzioni d'Alta Frequenza) - In u derby aiaccinu, hè u GFCA chì hà vintu 2 à 1 contru à l’ACA, pà a 13esima ghjurnata lla Liga 2. Aviani marcatu i primi i Russi è Bianchi, Gimbert avendu ripresu è mandatu in fundu à a reti, à a 38esima minuta, un calciu d’angulu di Cavalli. Ma ghjustu nanzi à a fini llu primu tempu, Ba mittia i Diavuli Russi à marcu paru. In lu sicondu tempu, i ghjucadori llu Gaz ani attaccatu à tutti frumbuli, affuchendu à l’ACA. I russi è Bianchi suffriani, suttu à l’assalti llu Gazelec, è tocca l’ora di ghjocu, Dumè Guidi hà fattu passà i visitadori davanti à u marcu, 2 à 1.
Pà a fini llu scontru, ùn si hè passatu tant’affari, i Russi è Bianchi lampendu davanti è senza risultati micca tanti balloni.
A partita si hè dunqua finita à 2 à 1 pà u GFCA, chì pidda a 12esima piazza, mentri chì l’ACA hè 15esimu
Steti à senta a riazzioni d’Olivier Pantaloni pà l’ACA
Sur le même sujet
