Football (Ligue 2) - Cruelle défaite pour l'AC Ajaccio face au Red Star 2 à 0
(A ridazzioni d'Alta Frequenza) - A pò rigrità, l’AC Aiacciu, a disfatta di sta sera contru à u Red Star, in Beauvais, cù un marcu di 2 à 0. Dopu à una prima parti di scontru cù un ghjocu paru trà i dui squadri, l’AC Aiacciu hà cuncessu un calciu di riparu, pocu chjaru è beddu cuntistatu. Dopu à un marcu incasciatu à st’uccasioni è contru à u fà di u ghjocu, l’omini d’Olivier Pantaloni ani trovu a forza d’ùn perda u filu llu scontru. In u ghjocu, ani supranatu a squadra llu Red Star, ch’ùn pruducia più chè contr’attacchi. Parichji volti, si hè ancu pensu chì i corsi aviani da vultà à marcu paru : capata à nantu à l’asta di Gimbert, capata di Tramoni parata da u guardianu... In lu tempu in suprappiù, u Red Star marcaia un’altra volta, è si gudia cusì i trè punta llu scontru
