Football (Ligue 2) - Choc entre le SC Bastia et le leader Clermont cet après-midi
(A redazzioni d'Alta Frequenza) - In Lega 2, issa 21a ghjurnata sarà sottu à u segnu di l'uppusizioni di prima trinca trà Clermont, u leader, è u Sporting Club di Bastia, u sicondu. Ancu puru s'ellu firmarà assai partiti dopu à quissa quì, ùn si pò schisà u fattu chì l'inghjocu di u scontru sarà bè quillu di u postu di leader di u campiunatu è ch'ellu pudaria bè dà una tindenza pà a seguita di a staghjoni. I ghjucadori di Clermont t'avarani u vantaghju di a so difesa, a più bona di Lega 2, ma dinò individualità com'è Alessandrini è Rivière. Ma i lucali sò piuttostu irregulari nant'à i cinqui ultimi ghjurnati, à l'arringuerciu di i bastiacci, è t'ani numarosi feriti. Da u cantu di u Sporting, Rothen, suspesu, ùn sarà micca di a partita, ma Khazri, un tempu micca sicuru di essa prisenti, volta ind'u gruppu, mentri chì Périatambée è Thauvin rimpiazzani à Vincent è à Robail. Un scontru da principià à trè ori menu deci, à u stadiu Gabriel-Montpied.
