Football (Ligue 2) - Bastia sacré champion !
(A redazzioni d'Alta Frequenza) - À calchì ghjornu di u vintesimu anniversariu di a catastrofa di Furiani, ùn si pudia sunnià di un umaghju più bellu pà tutti i vittimi è famighji tocchi da issu drama. I ghjucadori di u Sporting Club di Bastia l'ani fatta stasera (marti) : dopu ad avè ufficializatu u ritornu di a squadra corsa in Lega 1, sò divintati campioni di Francia di Lega 2, trè ghjurnati nanzi à a fini di a staghjoni, cù una vittoria senza cuntistazioni pussibuli contr'à Metz, trè reti à zeru. Un duppiettu di Diallo (29a è 35a) è una rialisazioni di Maoulida à a 68a ani fattu cullà a furmazioni di Federicu Hantz è tuttu u populu turchinu ver di u paradisu, buschendu si u so sicondu titulu ind'a siconda divisioni francesi, dopu à quillu di u 1968. "Per elli vincerremu", eccu i parolli mughjati da u publicu bastiacciu. U missaghju hè statu capitu da l'insemi di a squadra turchina chì, essendu sacrata campiona stasera, hà fattu spampillulà appena di più in u firmamenti, i 18 stelli chì veghjani nant'à Furiani dipoi guasgi 20 anni.
Sur le même sujet
