Football (Ligue 1) - Sécurité renforcée pour la rencontre AC Ajaccio - OGC Nice de samedi
(A redazzioni d'Alta Frequenza) - A dicisioni hè stata presa arimani (luni), i sustenidori Nizzardi sarani privi di partita, sabbatu chì veni à u stadiu François-Coty. In fatti, u scontru caldu trà l'AC Aiacciu è l'OGC Nizza inchieta assai l'autorità, à tali puntu chì u prifettu di Corsica appiissi resu un arrestu prifetturali chì pruibisci à i sustenidori Nizzardi di vena in Aiacciu, è di modu più pricisu di entra ind'u stadiu di a squadra Corsa. Da ghjustifià issa dicisioni, a prifettura di Corsica ammenta risichi di "disturbi gravi pà u publicu" liati à a "rivalità storica, viulenti è udiosa chì asisti trà squadri isulani (ACA è SC Bastia) è quillu di l'OGC Nizza, chì s'hè traduttu da fatti numarosi, viulenti è vultendu parechji volti". Un dispusitivu di securità rinfurzata sarà missu in ballu, da pudè assicurà a ghjunta è u suvitatu di i sustenidori di Nizza ind'a Cità Imperiali, s'è iss'ultimi si spiazzessini, ma soprattuttu da pudè impidiscia li di ghjentra ind'u stadiu. I pulizzeri aiaccini sarani aiutati da i so culleghi di Nizza, da pudè identificà a ghjenti ind'a so mira.
Écoutez Jean-François Lelièvre, coordonnateur des services de sécurité intérieure en Corse.
