Le Direct

Football (Ligue 1) - Romain Hamouma (Saint-Etienne) rejoint les rangs de l'AC Aiacciu

Dopu à a ghjunta di Thomas Mangani a sittimana passata, l’AC Aiacciu hà riisciutu un beddu colpu à u marcatu lli trasfirimenta.

Luni à sera, a squadra hà datu cunfirma di a signatura di Romain Hamouma, un ghjucadori di 35 anni.

Pà issi deci staghjoni passati, issu mezu tarrenu hà ghjucatu 321 scontri cù Saint-Etienne, è hà marcatu 62 volti. L’AS Saint Etienne u si vulia tena, è l’avia prupostu d’allungà u so cuntrattu, ma fatta fini u ghjucadori hà datu u favori à l’AC Aiacciu.

Innanzi à Saint-Etienne, Romain Hamouma hà ghjucatu 70 scontri in prima divisioni cù Caen, marchendu 13 volti.
Vitturiosu pà a Cuppa lla liga in u 2013 è finalistu lla Cuppa di francia in u 2020, ghjuvarà bè a so spirienza, in u mezu tarrenu aiaccinu.