Football (Ligue 1) - Nul rassurant pour le SC Bastia à Lille (0-0)
(A redazzioni d'Alta Frequenza) - Ind'u quadru di a quindicesima ghjurnata di Lega 1, u Sporting Club di Bastia s'hè bè ripighjatu cù un risultatu à paru à u curaghju da u cantu di Lille, 0-0. Un affari di resistenza com'è a pò dimustrà a fiscia di statistichi, postu chì u Sporting ùn hà micca tiratu nant'à a gabbia duranti issa partita, à l'arriguerciu di i nurdisti chì l'ani fatta quindici volti senza sbuccà. A difesa à cinqui di Frédéric Hantz hè riisciuta à canalizà l'uffesi di i lucali, pocu ispirati ind'u primu periudu è appena di più ind'u sicondu. Una pristazioni à sottulineà soprattuttu chì a difesa cintrali era cumposta di un solu difensori cintrali veru, Choplin, i ghjucadori nant'à i lati Angoula è Harek ghjunghjendu à cumplittà cù sulidità issu settori quì, Bonnefoi tinendu di una manu putenti i reti bastiacci. Di pettu à u ghjocu praticatu, u Sporting era ghjuntu in Lille cù a voghja di buscà si u risultatu à paru, un affari fatta, i bastiacci incascendu mancu una reta, a prima volta dipoi u derby in campiunatu. Dopu à issa bella uparazioni, u Sporting hè dodicesimu, ma solu cù trè punti d'avanza nant'à a zona di rilegazioni.
On écoute Julien Sablé au micro de BeIn Sport.
Sur le même sujet
