Football (Ligue 1) – Nouvelle défaite pour l’AC Ajaccio face à Bordeaux (0-2)
(A redazzioni d’Alta Frequenza) – L’AC Aiacciu hà persu torna una volta arisera (sabatu), dui reti à zeru, contru à i Girondins di Bordeaux, pà a dodicesima ghjurnata di Lega 1. Aiaccini chì sarani stati tutalmenti assenti, o ancu trasparenti duranti tuttu u scontru, lachendu numarosi spazii à i visitori. Iss’ultimi ani à riescia à scioglia a difesa corsa dui volti, in quattru minuti, grazia à dui reti di Yohan Gouffran, à a 25ima è à a 29ima minuta. Un’avanza gistita di modu tranquillu da i ghjucadori di Francis Gillot fin’è u zifulu finali, vistu u scartu di nivellu tremendu trà i dui furmazioni. Dopu à issa nova disfatta, l’ACA ferma dunqua ultimu, cù un tutali magru di setti punti in dodici partiti.
Ecoutez la réaction de l’entraîneur ajaccien, Olivier Pantaloni, qui ne cache pas sa déception
