Football (Ligue 1) - Nouvelle défaite frustrante pour l'ACA, à Montpellier (2-0)
Par avali, ùn si ni vidi soli in u parcursu di l’AC Aiacciu in prima divisioni : a squadra corsa hà persu marcuri 2 à 0 contru à Montpellier.
Eppuri, issu scontru hè statu unu di i più riisciuti pà i Russi è Bianchi, chì à spissu ani supranatu i lucali in u ghjocu.
Ma Montpellier hè statu più rialistu : dopu à 20 minuti di ghjocu, Nordin mittia u primu marcu.
L’aiaccini si sò dati tandu à riagì, ma dopu à un’azzioni uffinsiva, Hamouma era sclusu parvia di un pedi tinutu altu.
Passati uni pochi di minuti, Omlin, u guardianu di Montpellier, era sclusu ancu iddu parvia di una surtita pocu ammaistrata.
Ghjustu innanzi à u posu, Kevin Spadanuda mittia l’aiaccini à marcu pattu. Ma dopu lintatu un ochji à a videò, si ni rivinia à 0 à 0, parvia d’una pusizioni di for’di ghjocu.
Dopu à u posu, l’aiaccini n’erani sempri à supranà l’avvirsariu, ma senza purtà piriculu davanti à a cabbia.
È fà è fà, cù i so pochi uccasioni, Montpellier mittia un sicondu marcu via Wahi, dopu à 77 minuti di ghjocu.
Ben’ch’iddi si sichini visti uni pochi di prugressi, l’AC Aiacciu ùn si hà buscu mancu un puntu. Duminica in Timizzolu, contru à Lorient, a vittoria hà da essa à veru impurtanti.
