Football (Ligue 1) - Mickaël Landreau reste au SC Bastia
(A redazzioni d'Alta Frequenza) - L'attesa cuminciava à divintà difficiuli, pà u club è i so sustenidori, ma stavolta ùn ci hè più dubbitu, Mickaël Landreau cuntinueghja cù u Sporting Club di Bastia, malgradu l'intaressu di Monacu. U ghjucadori hà annunziatu a so dicisioni nant'à una reta suciali, dicisioni chì hè un veru sullevu postu chì quissu quì hà cuntribuitu assai à u mantenimentu di u Sporting in Lega 1. Era dinò l'elementu maestru di u prughjettu di Frédéric Hantz pà a staghjoni chì veni, ch'ella sia pà a so impurtanza nant'à u tarrenu, cà pà quilla dinò fora, frà altru à fiancu à certi ghjucadori chì pudariani ghjunghja in Bastia par via di a so prisenza ind'u club.
Sur le même sujet
