Football (Ligue 1) - Le SC Bastia passe sans encombre l'obstacle de la DNCG
(A redazzioni d'Alta Frequenza) - Ancu puru s'è i dirighjenti di u Sporting Club di Bastia t'aviani una certa cunfidenza pà u passaghju di u club davanti à a Direzzioni Naziunali di Cuntrollu è di Gistioni, certi ùn si pudiani impidiscia d'aspittà cù appena di timori a dicisioni di u gendarmi finanziariu di u ballò francesi. È s'è u Sporting ùn avarà micca à campà una nova prova postu chì l'elementi prisintati da u club oghji ani cunvintu a DNCG chì u Sporting hè nant'à a via ghjusta. U club pudarà rializà u so marcatu com'ellu a voli, ma cù una limita di 600 000 auri d'indennità di trasferimentu, vali à dì u doppiu chì era statu accurdatu iss'istati da a DNCG. Di fattu, u cuntrattu di u guardianu Mickaël Landreau hè statu validatu direttamenti, mentri chì pà ciò chì tocca à i muvimenti, un ghjucadori à u minimu pudaria ghjunghja assai in furia, postu chì u club t'hà cuntatti certi volti assai avanzati cù parechji ghjucadori, soprattuttu pà a difesa, u latu à diritta, è l'attaccu, quatru novi elementi essendu stati dumandati da l'intrenori bastiacciu Frédéric Hantz.
