Football (Ligue 1) - Le SC Bastia finit son mercato avec un échange de gardiens
(A redazzioni d'Alta Frequenza) - S'hè compiu ssu marti u marcatu d'inguernu. Dui ghjucadori sò partuti da u SC Bastia è unu novu hè ghjuntu. A prima partenza hè quilla di Jerson Cabral, nant'à quali François Ciccolini ùn cuntava più dipoi parechji simani; hè statu impristatu in u club ollandesi di u Sparta Rotterdam. A siconda partenza, hè quilla di u terzu guardianu, Paul Charruau, impristatu anch'ellu in u Parighji FC in Naziunali, mentri chì u Sporting si busca u guardianu titulariu di ssa squadra, Alexis Thébaux, chì s'hè ingaghjatu pà un annu è mezu. Da rimarcà in u settori uffensivu un evenimentu pessimu, postu chì u cartulari di l'attaccanti cureanu Hyun-Jun Suk, chì duvia essa impristatu da u FC Porto, ùn s'hè micca cuncretizatu par via di un prublema di telecaricamentu di ducumenti nant'à a piattaforma internaziunali chì autentificheghja i trasferimenti.
Sur le même sujet
