Football (Ligue 1) - Le milieu de terrain de l'ACA, Qazim Laçi, signe au Sparta de Prague
L’AC Aiacciu hà fattu sapè ghjovi à sera ch’iddu si n’andaghjia Qazim Laçi, u so mezu tarrenu internaziunali albanesu.
Oramai, hà da purtà a maglietta di u Sparta di Praga.
Ghuntu in u 2017, impristatu da l’Olympiakos di u Pireu, Qazim Laçi hà da lacà un beddu ricordu in Aiacciu : hà fattu 158 scontri cù a maglietta russa è bianca, trà i quali 149 in campiunatu. Hà missu undici marchi, in maior’parti in siconda divisioni è in Cuppa di a Liga.
Avendu ghjucatu pocu dipoi l’attaccu d’issa staghjoni di prima divisioni, u ghjucadori hà sceltu altri urisonti. Di quant’iddu hè statu u trasfirimentu, ùn l’hà ditta a squadra aiaccina.
Sur le même sujet
