Football (Ligue 1) - Le GFC Ajaccio ne doit pas se laisser enivrer par Bordeaux
(A redazzioni d'Alta Frequenza) - Viaghju cumplicatu pà u GFC Aiacciu, 18imu di Liga 1, chì ghjucarà nant'à u tarrenu di u 12imu, Bordeaux. Dopu a so eliminazioni in quartu di finali di a Cuppa di Francia in Lorient in principiu di sittimana, l'Aiaccini, chì ùn ani ancu vintu in campiunatu in u 2016, devini rialzà u capu ssu sabbatu à sera à partasi d'8 ori in Gironde. Cù quattru punti di ritardu nant'à a prima squadra fora di a zona rossa ma dinò una partita in menu, postu ch'ellu ùn hè ancu à ghjucà u so scontru contr'à Marseghja, u GFCA spera di buscassi i trè punti par ùn vedasi micca lintatu à pocu à pocu in a lotta pà u mantenimentu. Pà ssu scontru, Mangane è Martinez sò di ritornu in u gruppu, mentri chì Filippi hè suspesu.
